Nava-neethan

Rajini Birthday special on Sooriyan FM

2010-12-10T01:11:00.000-08:00

சூரியன் விழா எடுத்து கொண்டாடுகிறது....

2010-12-10T01:03:00.002-08:00

ரஜினியின் பிறந்தநாளுக்குசூரியன் விழா எடுத்து கொண்டாடுகிறது.... பிறந்தநாள் தினத்தன்று முழுநாளும் சிறப்பு நிகழ்ச்சிகள் பல....
எல்லா நிகழ்ச்சிகளையும்.... கேளுங்கள் ரஜினியை வாழ்த்துங்கள்......

http://www.youtube.com/watch?v=cmzhC1gbcpE

சூரியன் விழா எடுத்து கொண்டாடுகிறது....

2010-12-10T01:03:00.001-08:00

சூரியன் விழா எடுத்து கொண்டாடுகிறது....

2010-12-10T01:03:00.000-08:00

ரஜினியின் பிறந்தநாளுக்கு சூரியன் விழா எடுத்து கொண்டாடுகிறது.... பிறந்தநாள் தினத்தன்று முழுநாளும் சிறப்பு நிகழ்ச்சிகள் பல....
எல்லா நிகழ்ச்சிகளையும்.... கேளுங்கள் ரஜினியை வாழ்த்துங்கள்......

எந்திரன் சுட்ட படமா?? சுடாத படமா??? வாசித்துப்பாருங்கள்!!!!!!!

2010-10-29T05:47:00.000-07:00

இந்த சிறுகதை 1996ஆம் ஆண்டு அமுதா தமிழ்நாடன் எழுதியது.

வாசித்துப்பாருங்கள்.........................................

+++++++++++++++++++++++++++++++++++++++++++++++++++++++++++++++++++++++++++++++++++++

+++++++++++++++++++++++++++++++++++++++++++++++++++++++++++++++++++++++++++++++++++++

+++++++++++++++++++++++++++++++++++++++++++++++++++++++++++++++++++++++++++++++++++++

வாசிச்சிங்களா????

என்ன சொல்றிங்க...........

அறிவிப்பாளர்களின் அரசர் கே. எஸ். ராஜா......பற்றி........

2010-10-09T09:48:00.000-07:00

கனகரத்தினம் சிறிஸ்கந்தராஜா அல்லது கே.எஸ்.ராஜா, இலங்கையிலும் தமிழ் நாட்டிலும் பிரபலமாக இருந்த வானொலி அறிவிப்பாளர் ஆவார்.

எழுபதுகளில் எழுந்து வந்த
மின்சாரத்தமிழன் கே. எஸ். ராஜா..

வீட்டுக்கு வீடு வானொலிப் பெட்டிக்கு அருகில்
ஆவலுடன் நேயர்களை கூடியிருக்க வைத்தவன்...

மின்னல் வேகத்தில் ஜொலித்த ஒரு பிறவி அறிவிப்பாளர்...

உங்கள் அருமையை சொல்ல தமிழில் வார்த்தைகள் இல்லை....

பேசாதவர்களைப் பேச வைத்த..கே. எஸ். ராஜா.....

"சிங்கம்" பார்த்தேன் ரசித்தேன்.........

2010-05-31T06:33:00.000-07:00

"சிங்கம்" திரைப்படம் பார்த்தேன் ரசித்தேன்.......

சூர்யாவிடம் அடிவாங்கும் இருபதிற்கும் அதிகமானவர்கள் காற்றில் பறந்து விழுந்தாலும் ஏற்றுக்கொள்ள முடிகிறது.

சூர்யா அடிக்கும் அடி ஒவ்வொன்றும் இடியாகவே இருக்கிறது. கைகளும் கால்களும் எதிரிகளை பந்தாடும்போது சூர்யாவின் முகத்தில் தெரிகிறது ஆவேசம்....

சண்டைக்காட்சிகள் மட்டுமல்ல காதல்,அன்பு,உரிமை என சரியாக வாழையிலையில் பரிமாறப்பட்ட படையல் "சிங்கம்".....

கதையோடு இணைந்துசெல்லும் அனுஷ்கா அழகு ,விவேக் அட்டகாசம்....

நீண்ட அமைதிக்குப்பின் வெறியுடன் ஹரி தந்திருக்கும் திரைவிருந்துதான் "சிங்கம்".

"சுறா"வில் வில்லன் என்று ஒருவரை அறிமுகம் செய்துவைத்தார்களே!அவரின் முகத்தை ஒருநிமிடம் உற்றுப்பார்த்தால் """""கெகபுககெகபுக""""" என்று சிரிப்புதான் வரும்.

பிரகாஷ்ராஜ் சூர்யாவின் செயல்களுக்கு உயிர் தந்திருக்கிறார்.......

பாடல்கள் கேட்கக்கேட்க இனிக்கின்றன. பின்னணி இசையும் அசத்தல்........

"சிங்கம்" ரசிகர்களுக்கு கிடைத்த விலை மதிக்கமுடியாத தங்கம்.....

படப்பிடிப்பின்போது எடுக்கப்பட்ட அரிய புகைப்படங்கள் சில>>>>>>>>>

இரும்புக்கோட்டை முரட்டு சிங்கம்.............

2010-05-11T06:15:00.000-07:00

விமர்சனம்.....

ஆர்ப்பாட்டத்தோடு வெளிவந்து மண்ணைகவ்விக்கிடக்கும் சில திரைப்படங்களுக்கு மத்தியில் இரும்புகோட்டை முரட்டு சிங்கம் நிமிர்ந்து நிற்பது நிச்சயம்.........

ஆரம்பம் முதல் முடிவுவரை திரையரங்கம் முழுவதும் ஒரே சிரிப்புச்சத்தம்தான்....

சீரியசான கட்டம் வந்துவிட்டது என்று நினைத்தால் உடனே வந்துவிடுகிறது சிரிப்பு.....

இயக்குனர் சிம்புதேவனின் அட்டகாசம் தாங்கமுடியவில்லை... இப்படியெல்லாம் யோசிக்க எப்படித்தான் முடியுதோ தெரியவில்லை.....

லோரன்ஸ் ஈடுபாடுடன் நடித்திருக்கிறார். நடனம் தெரிந்த ஒருவர்தான் பொருத்தமானவர் என்பதை உணர்ந்துதான் இவர் தெரிவு செய்யப்பட்டிருக்கிறார் என்பது தெளிவு....

ஒரு வைரம் இருந்தால் தன்னுடன் இருக்கும் இரண்டு பிள்ளைகளை காப்பாற்றமுடியும் என்பதற்காக முரட்டுசிங்கமாக மாறியிருக்கிறார் லோரன்ஸ், பத்மப்ரியா நன்றாக நடித்திருக்கிறார். நாசர் கலக்கல், மனோரம்மா அப்பாவி, பாஸ்கர் புதிய மொழியொன்றை பேசி யோசிக்க வைத்திருக்கிறார். கூடவே சந்தியாவும் லக்ஷ்மிராயும் நடித்திருக்கிறார்கள். கலை இயக்குனர் படாதபாடு பட்டிருப்பார் என்பது திரையில் தெளிவாக தெரிகிறது. ஒளிப்பதிவாளர் ஆடுபுலி விளையாட்டு விளையாடியிருக்கிறார். பின்னணி இசை காட்சிகளுக்கு உயிர் கொடுக்கிறது. எல்லாமே நன்றாகத்தான் இருக்கின்றன! பாடல்கள் ஒன்றுமே மனதில் இடம்பிடிக்கவில்லை... G.V பிரகாஷ் என்ன நடந்தது உங்களுக்கு?????? சரி விடுவோம்....

படம் பார்க்ககூடியவாறு இருப்பது தற்போதைய மகிழ்ச்சி....

இரும்புக்கோட்டை முரட்டு சிங்கம்... பாடம் புகட்டியிருக்கிறது சீனியர் நடிகர்களுக்கு...........

N.நிழல்

மீண்டும் ஆடுகளத்தில் இந்துக்கல்லூரி........

2010-04-10T09:46:00.000-07:00

இரத்மலானையில் அமைந்துள்ள பழமைவாய்ந்த கொழும்பு இந்துக்கல்லூரியில், அதிபர் திரு மன்மதராஜா அவர்களின் வழிநடத்தலில், பிரபல கிரிகட் பயிற்றுவிப்பாளர் திரு மோகன் அவர்கள் பயிற்சி வழங்க மீண்டும் கிரிகட் அணியொன்று உதயமாகியுள்ளது.

"விண்ணைத்தாண்டி வருவாயா"

2010-02-28T06:56:00.002-08:00

நீண்ட நாட்களுக்குப்பின் தமிழில் வந்த சிறந்த காதல் கதை. மன்னிக்கவும் காதல் விதை.

ஆரம்பம்முதல் முடிவுவரை காதல் வெள்ளத்தில் பார்வையாளர்களை மிதக்கவைத்திருக்கிறார் இயக்குனர் கௌதம் மேனன். நிஜத்தை திரையில் வண்ணம் தீட்டியிருக்கிறார் இயக்குனர்.

சிம்பு என்றாலே வம்புதான் என்று பொதுவான கருத்தொன்று நம்மிடையே விண்ணைத்தாண்டி வருவாயா வெளிவரும்வரை இருந்தது. சிம்புவை முழுமையாக மாற்றியிருக்கிறார் கௌதம்.

கொஞ்சம் விவரமாக பேசுவோம்.........

கதாநாயகி த்ரிஷாவின் வீட்டில் கீழ்மாடியில் வாடகைக்கு இருக்கும் சிம்பு குடும்பம், த்ரிஷாவின் குடும்பத்தோடு ஒப்பிட்டு பார்க்கும்போது வசதியில் குறைந்தது. த்ரிஷா ஒரு மலையாள கிறிஸ்தவ பெண். திடிரென ஒருநாள் வீதியில் த்ரிஷாவை கண்ட சிம்பு மனதில் காதல் மலர்கிறது. இளைஞன் ஒருவனிடம் காதல் மலருபோது அவனுள் உருவாகும் மாற்றங்கள், அவன் படும் அவஸ்தைகள், ஒவ்வொன்றும் நிஜத்தின் நிழல்.

அவள் இதயத்திலும் காதல் உருவாகிறது ஆனால் ஏற்றுக்கொள்ள மறுக்கிறாள். காரணம் அவள் குடும்ப சூழல்,சிம்புவைவிட ஒரு வயது அதிகம். ஆனாலும் ஒருகட்டத்தில் த்ரிஷா தனக்குள்ளும் காதல் இருப்பதை சிம்புவிடம் தெரிவிக்கிறார். இருவரும் காதலிக்கிறார்கள். நிஜத்தில் காதலர்கள் எங்கெல்லாம் செல்வார்களோ அங்கெல்லாம் இவர்களும் செல்கிறார்கள். காதல் வீட்டுக்கு தெரியவர பிரச்சனை ஆரம்பிக்கிறது. த்ரிஷா ஒதுங்க நினைக்கிறார். துரத்தும் சிம்புவின் நடிப்பு நிஜம். ஒரு உதாரணம்.... த்ரிஷாவின் வீட்டுக்கு வெளியில் நின்றுகொண்டு,த்ரிஷாவுக்கு தனது கையடக்க தொலைபேசியிலிருந்து தொடர்ச்சியாக அழைப்பெடுத்தாலும் த்ரிஷா அழைப்பை துண்டித்துகொண்டே இருக்க, அந்த கோபத்தில் கையிலிருந்த தொலைபேசியை நிலத்தில் அடித்துவிட்டு அங்கிருந்து வெளியேறும் சிம்புவின் நடிப்பில் உண்மை மட்டுமே இருந்தது.

சர்வதேச விருதுகளை வென்றபின் ரஹ்மான் பணியாற்றிய முதல் தமிழ் திரைப்படம். அதிக கவனமெடுத்திருக்கிறார். இசையும் கதையும் ஒன்றரக்கலந்திருப்பது சிறப்பு. பாடல்களும் அருமை. ஏன் இதயம் உடைத்தாய் பாடல் சிம்புவின் இதயம் உடையும்முன்னே வந்துவிட்டது. த்ரிஷா நடிக்கவில்லை வாழ்ந்திருக்கிறார். த்ரிஷாவின் நடிப்பில் ஜோதிகா தெரிகிறார். சிம்புவின் நண்பராக வருபவர் எல்லோர் மனதிலும் இடம் பிடித்திருக்கிறார். ஒளிப்பதிவில் தெளிவு, படத்தொகுப்பில் அமைதி, இவையெல்லாம் மேலதிக பலம்.

இறுதியில் சினிமாவையும் நிஜத்தையும் வேறுபடுத்தி காண்பித்தது தனி அழகு.[சாதாரணமானவர்களுக்கும் புரியும்படியாக அமைத்திருக்கலாம்]

இறுதிக்காட்ச்சியை பார்க்கும்போது கவனம் சிதறினால், முடிவில் என்ன நடந்தது? சேர்ந்தார்களா? பிரிந்தார்களா? என்ற சந்தேகத்துடன்தான் வீடு திரும்ப நேரிடும்.

இல்லை இல்லை என்றாலும், கௌதம் மேனனின் உண்மைக்கதைதான் விண்ணைத்தாண்டி வருவாயா என்பது உண்மை.

"விண்ணைத்தாண்டி வருவாயா" பலரது வாழ்க்கை.........

கலையுலகை இருளவைத்துவிட்டார், ஸ்ரீதர் பிச்சையப்பா!!!!

2010-02-22T22:59:00.000-08:00

என்னை மிரளவைத்த ஸ்ரீதர் பிச்சையப்பா,கலையுலகை இருளவைத்துவிட்டார்.
எல்லோருக்கும் இவரை ஒரு நகைச்சுவை நடிகராக மட்டுமே தெரியும். ஆனால், இவருக்கு கலையறிவு அதிகம். திறமையான ஓவியர்[இவரது இல்லத்தில் ஒரு தனி அறை உள்ளது. அந்த அறையின் பெயர் சித்திர வதைக்கூடம். அவர் வரைந்த அனைத்து ஓவியங்களும் அங்கு வைக்கப்பட்டுள்ளது] சிறந்த எழுத்தாளர், ஆழமான அர்த்தமுடைய கவிதைகளை படைத்தவர், நல்ல நடிகர், பாடகர், திறமையான பேச்சாளர், இவ்வாறு அடுக்கிக்கொண்டே போகலாம்.....

அவருடன் பழகிய நாட்கள் என்வாழ்நாளில் மறக்கமுடியாதவை.

சூரியன் வானொலியில் நான் வழங்கும் ஒவ்வொரு நிகழ்ச்சியையும் கேட்கும் ஒருவராகவும் என்னை கவர்ந்தார். அவர் இறந்த செய்தி கேள்விபட்டதும் என் நினைவுக்குவந்தது கடந்த SEPTEMBER மாதம் எனது பிறந்தநாளை முன்னிட்டு அவர் எனக்கு அனுப்பிய வாழ்த்தட்டை.

உங்களை சந்திக்கவரும்போது, நவநீதனும் பிரபல திறமையான ஒலிபரப்பாளர் என்ற பெயர்பெற்று வருகிறேன். எனக்காக காத்திருங்கள்.........

நன்றி ஸ்ரீ அண்ணா......

நீங்கள் இல்லாத கலை, களை கட்டுமா???????????

அஜித்தின் "அசல்" N. கருத்து.........

2010-02-04T17:15:00.000-08:00

அஜித்தின் அசல் இன்றுதான் வெளியிடப்படுகிறது. ஆனாலும் நேற்று இரண்டு சிறப்பு காட்சிகள் காண்பிக்கப்பட்டன. நான் முதல் காட்சியை தெஹிவளை concord திரையரங்கில் பார்த்தேன்!

எதிர்பார்ப்பு அதிகமாகவே இருந்தது. அஜித் சரண் பரத்வாஜ் என்ற மூன்று சிகரங்கள் இதுவரை இணைந்து தந்த அத்தனை படங்களும் மிகப்பெரிய அளவில் பேசப்பட்டன. 'அசல் கூட்டணி அசத்தல் கூட்டணி' திரையரங்குக்குள் செல்லும்போது வெளியில் ஒட்டப்பட்ட சுவரொட்டிகளில், கதை இயக்கம் இரண்டிலுமே அஜித்தின் பெயரும் பிரசுரமாகியிருந்தது. ஆஹா ஏனைய நடிகர்கள் கதைக்குள் மூக்கை நுழைத்து கதையின் போக்கை மாற்றி சொதப்புவதுபோல் தல அஜித்தும் புறப்பட்டுவிட்டாரா? என்று நானும் எனது நண்பனொருவனும் ஒரு நிமிடம் நின்று யோசித்துவிட்டு உள்ளே நுழைந்தோம்..... திரைப்படம் ஆரம்பிக்கும்போது அஜித்தின் பெருமை சொல்லும் விதத்தில் திரையில் வழமையாக காண்பிக்கப்படும் எதுவும் இல்லை. சாதாரணமாக அஜித்குமார் என்று திரையின் ஓரத்தில் காண்பிக்கப்பட்டதும், எனது நண்பன் என்னை தட்டி காதருகில் வந்து அஜித் தலையிட்டு இப்படி செய்தது உண்மையில் பாராட்டப்படவேண்டும் என்றான்!

காட்சியமைப்புகள் படமாக்கப்பட்ட இடம், பாடல்கள் படமாக்கப்பட்ட இடம்(ஒளிப்பதிவு புதியவர்,புதுமை திரையில் தெரிகிறது) நடிகர்கள், இவை எல்லாம் அழகாகத்தான் இருக்கின்றது. கதை சாதரணமான மசாலாத்தனமானது. வேகம் அதிகரிக்கப்பட்டிருக்கலாம்.. பாடல்கள் முழுமையாக இல்லை. படத்தொகுப்பாளர் Antonyயின் முடிவுகளில் ஒன்றாக இருந்திருக்கலாம்.{கதையின் வேகத்துக்காக} எங்கே எங்கே மனிதன் எங்கே பாடல் படத்தில் இல்லை. சண்டை காட்சிகளில் புதிய வேகம் தெரிந்தாலும்,ஒருசில இடங்களில் யதார்த்தத்தை மறைத்து மசாலாத்தனம் தலைகாட்டுகிறது.{கொஞ்சம் கவனித்திருக்கலாம்} பிரதான வில்லன் சேட்டும்,(இது அவனது பெயர்) அவனது வில்லத்தனமும், அடியாட்களும் பிரமாண்டமாக காண்பிக்கப்படுகின்றன. ஆனால் தல அஜித், பாதுகாப்பு பலமாக இருக்கும் வில்லனின் கோட்டைக்குள் எந்த இடையூறும் இல்லாமல் உள்ளே புகுந்து வில்லனை கொன்று எல்லோரையும் மீட்டு மீண்டும் வெளியில் வருவதுபோன்ற காட்சிகளை மட்டுமே குறிப்பிடுகிறேன். அஜித் எந்தவிதமான ஆர்ப்பாட்டமும் இல்லாமல் அமைதியாகவும் அழகாகவும் நடித்திருக்கிறார். நன்றாக நடனமாடியுமிருக்கிறார். சமீரா ரெட்டி நடிப்பில் சிறப்பு. வழமைக்கு மாறாக பாவனா அழகாகத்தெரிகிறார்(என் கண்களுக்கு) பரத்வாஜின் பின்னணி இசை அதிரடி. பாடல்களும் பிடித்திருக்கின்றன. அஜித்தின் காதலி யார் என்ற போட்டியில் சமீரா அநியாயத்துக்கு சமாதானம் ஆகுறார்.இப்படியும் பெண்கள் இருக்கிறார்களா?இந்த கேள்வி சரணுக்கானது. பிரபு அளவுக்கு அதிகம் திரையில் தோன்றவில்லை.

மொத்தத்தில், முழுக்குடும்பமும் ஒன்றாக அமர்ந்திருந்து பார்க்கக்கூடிய திரைப்படம்தான் அசல்.

"அசல் அஜித்திற்கு இல்லை நசல்"

'நண்பா உன்ட ACCOUNT நம்பர தர்றியா'

2010-01-28T17:11:00.000-08:00

நண்பா, உன்னுடைய நம்பர தர்றியா! என்று ஒருவன் ஓடோடிவந்து கேட்கிறான். அவன்தான் மதன். பதிலுக்கு வாசு விளக்கம் கேட்கிறான்.... இல்ல வாசு, காசுக்கு சரியான பிரச்சனையாக இருக்கு, அவசரமாக பணம் தேவைப்படுது அம்மாவிடம் விசயத்த சொல்லி காசு கேட்டன்...

அம்மா Accountல போடுறம்னு நம்பரொண்டு கேட்டா! அதுதான் மச்சான் எனக்கு account நம்பர் இல்லையே!!!! எனக்கு Accountநம்பர் இல்லன்னு உனக்கு ஏற்கனவே நான் சொன்னேனே..

மதன் பேசும் ஒவ்வொரு வார்த்தையையும், ஏற்கனவே திட்டமிட்டுதான் பேசுவான்.

பாவம் வாசு, இவனின் சித்துவிளையாட்டுக்களை அறியாதவனாகவே இருந்தான்.......

உன்ட நம்பர தர்றிய என்று கேட்டான் மதன். கள்ளம்கபடம் தெரியாத வாசு அவனது இலக்கத்தை மதனிடம் கொடுத்தான். மதன் சொன்னதுபோல வாசுவின் வங்கிக்கணக்கில் பணம் போடப்பட்டது.வாசு அந்த பணத்தை எடுத்து மதனிடம் கொடுத்தான். இரண்டு நாட்களில் வாசுவை காவற்துறையினர் கைதுசெய்தனர்.

பத்து லட்சம் வங்கிக்கணக்கில் பணம் போடப்பட்டது. அதை எடுத்து கொடுக்கும்போதுகூட இவ்வளவு பெரிய தொகை எப்படி கணக்கில் வைப்பில் இடப்பட்டது என்பதை வாசு யோசிக்கவில்லை.

நடந்தது இதுதான்.......

ஒரு செல்வந்தரின் மகனை கடத்திவைத்துக்கொண்டு பணம் தருமாறு மிரட்டி அந்த பணத்தை வாசுவின் கணக்கில் இடுமாறு கணக்கிலக்கத்தை கொடுத்திருக்கிறான். பணத்தை வழங்கிய செல்வந்தர் மகனை மீட்டபிறகு காவல்துறையிடம் முறையிட்டு அந்த கணக்குக்கு உரிய வாசுவை தேடிப்பிடித்து கைது செய்திருக்கிறார்கள். இப்பொழுது வாசு சிறையில்.

அப்படி செய்யவில்லையென்று பலதடவை சொல்லியும் யாரும் வாசுவை நம்பவில்லை.

உங்கள் கணக்கின் இலக்கத்தை தாருங்கள், பணம் தேவைப்படுகிறது உங்கள் கணக்கில் வைப்பு செய்ய சொல்கிறேன். எடுத்துத்தரமுடியுமா என்று கேட்டால் கடுமையாக யோசித்து முடிவெடுங்கள்.

நன்றி...
N.நிழல்

யாரிலிருந்து 6 வரை....... கம்பி எண்ணும் நான்கு பேரின் உண்மைக்கதை.....

2010-01-16T23:13:00.000-08:00

யாரிலிருந்து 6 வரை எனும் தலைப்பில் வித்தியாசமான சில அனுபவங்களை, எனது வலைப்பதிவில் பதிவிடலாமென நீண்ட சிந்தனைக்குப்பின் முடிவெடுத்துள்ளேன்.....

இது ஒரு நேரடி விஜயம்.....

யாரிலிருந்து 6 வரை... இதோ முதல் பதிவு......................

N.நிழல் கதை-01

இரண்டு நண்பர்கள், ஒருவர் சிவா மற்றையவர் மனோ. இவர்களில் மனோ மிக முக்கியமானவன் [குறிப்பு->ஊரும் பேரும் வேறு] தீந்தை பூசும் வேலை செய்பவர்கள்.

இவர்களுடன் இன்னும் இருவர். எல்லோரும் ஒன்றாக இணைந்து சிவாவின் தலைமையில் ஒரு குழுவாக வேலை பார்த்துவந்தனர்.

புதிதாக ஒரு ஒப்பந்தம், இரண்டு மாடிகளைக்கொண்ட வீடொன்றுக்கு தீந்தை பூசவேண்டும்.
ஒப்பந்தத்தொகையும் தீர்மானித்து உடன்பாடு எட்டப்பட்டது. வேலைகளும் ஆரம்பமாகின.முற்பணம் கொடுக்கப்பட்டது.

ஆனால், வேலை முடிவடையும் தறுவாயில் இருக்கும்போது,வீட்டுக்காரர்களின் நடவடிக்கைகளில் பல்வேறு மாற்றங்கள். விஷயம் தெரியாத சிவா தலைமையிலான தீந்தை வேலையாட்கள்,அனைத்து வேலைகளையும் முடித்தனர்.

கிடைக்கவேண்டிய மீதித்தொகையினை பெற்றுக்கொள்ள சென்றால், பணம் கிடைத்தபாடில்லை.

எத்தனையோமுறை அலைந்தும் சரிவரவில்லை.

என்ன செய்திருப்பார்கள்???????????

இது உண்மை சம்பவம் என்பதனை மீண்டும் நினைவூட்டுகிறேன்.

மீதிப்பணத்தை பெற்றுக்கொள்ள வழிதெரியாமல் தடுமாறிக்கொண்டிருந்த இந்த குழுவினருக்கு வீடு புகுந்து கொள்ளையடிப்போம் என்ற யோசனையை மனோ முன்வைத்தான்.

செய்வதறியாதிருந்த இவர்களுக்கு மனோவின் ஆலோசனை சரியென முடிவானதால், இன்று இவர்கள் எல்லோரும் சிறைச்சாலையில் கம்பி எண்ணிக்கொன்றிக்கிரார்கள்.

ஒருநாள் இரவு வீட்டில் யாரும் இல்லாத நேரத்தைப்பார்த்து மனோவின் தலைமையில் நால்வரும் ஒன்றாக இணைந்து அந்த வீட்டுக்குள் நுழைந்தனர். மனோவின் திட்டப்படி பொருட்கள் அனைத்தும் திருடப்பட்டன. மனோ தீட்டி வைத்திருந்த திட்டப்படி நால்வருக்கும் எந்த தடுமாற்றமும் இல்லாமல் தப்பியோடவும் முடிந்தது. அடுத்தநாள் விடிந்ததும் தமது வீடு கொள்ளயிடப்பட்டமை தெரிந்ததும், அருகில் இருந்த காவற்துறையில் முறைப்பாடொன்றினை பதிவு செய்தனர்.

யார்மீது சந்தேகமென்று கேட்டதற்க்கு, கொள்ளையர்கள் இந்த குழுதான் என உறுதியாக தெரிவித்தனர். முதலில் பிடிபட்டது மனோ,விசாரணையில் எல்லோர் பெயர்களையும் பட்டியளிட்டான்.

இன்று சிறைச்சாலையில் சிறைவைக்கப்பட்டுள்ளனர்....மச்சான் வெளியில் சென்று பெரிய Game ஒன்று குடுக்குறன் பாரு! இவை, மனோ இப்போது அடிக்கடி சொல்லிக்கொண்டிருக்கும் வார்த்தைகள்.......

நால்வரும் கன்னத்தில் கைவைத்துக்கொண்டு புலம்பிக்கொண்டிருப்பதை நான் பார்த்தேன்...............1 2 3 4 5 6....... [6 கம்பிகளையும் திரும்பத்திரும்ப எண்ணுவதுதான் அங்கிருப்பவர்களின் பொழுதுபோக்கு]

அனைவருக்கும் இனிய தைத்திருநாள் வாழ்த்துகள்,

2010-01-13T17:25:00.000-08:00

தைப்பொங்கல் மக்களால் இயல்பாக கொண்டாடப்படுகிறது. உழைக்கும் மக்கள் தாமே கண்டுணர்ந்து தமது உழைப்பிற்க்கு உதவிய இயற்க்கை சக்திகளுக்கும் தம்மோடு சேர்ந்து உழைத்த கால் நடைகளுக்கும் மகிழ்ச்சியை தெரிவிக்கும் விழாவே தைத்திருநாள்.

உழவர்கள் மழையின் உதவியால் ஆடிமாதம் முதல் உழைத்து சேர்த்த நெல்லை மார்கழியில் தமது வீட்டிற்க்கு எடுத்து செல்லும் நாளே தைப்பொங்கல்.

சங்க காலத்தில் அறுவடை காலங்களில் நல்ல மழை பெய்யவும் நாடு செழிக்கவும் பெண்கள் இந்த விரதத்தை கடைபிடித்தனர். தை முதல் தினத்தில் இந்த விரதத்தை முடிப்பார்கள். நல்ல விளைச்சல் கொடுத்தமைக்காக பூமி சூரியன் உதவிய கால்நடைகள் போன்றவற்றிற்க்கு நன்றி தெரிவிக்கும் விதமாக சர்க்கரைப்பொங்கல் படைத்து வழிபட்டனர். இதுவே நாளடைவில் மூன்று தினங்கள் கொண்டாடும் தைத்திருநாள் கொண்டாட்டங்களாக மாறியது.

எனது ரசிகர்கள் தந்த இன்ப அதிர்ச்சி.............

2010-01-10T16:39:00.000-08:00

நத்தார் மற்றும் புதுவருட கொண்டாட்டங்களின்போது தவிர்க்கமுடியாத சில கசப்பான காரணங்களால், சூரியன் வானலைகளில் எனது குரல் ஒலிக்கவில்லை. எனக்கும், என்மீது உண்மையான அன்பு வைத்திருக்கும் அனைவருக்குமே இது ஒரு குறையாகவே இருந்தது.

இது இப்படி இருக்கும்போது, எதிர்பாராத நேரத்தில் எனக்கு கிடைத்த இன்ப அதிர்ச்சி எனக்கும் என்னை சார்ந்தவர்களுக்கும் இரட்டிப்பு மகிழ்ச்சியை தந்தது.

நடந்ததை குறிப்பிடுகிறேன்,
10:01:2010 அன்று தெஹிவளை Concord திரையரங்கில் Vijai நடித்த வேட்டைக்காரன் திரைப்படத்தின் இலவச காட்சி சூரியன் சொந்தங்களுக்கு காண்பிக்கப்பட்டது. திரைப்படம் ஆரம்பிக்க சில நிமிடங்கள் இருக்கும்போது, அங்கு கூடியிருந்த நூற்றுக்கணக்கான ரசிகர்கள் ஒன்றாக இணைந்து எழுப்பிய கரகோஷங்களை மிஞ்சிய பட்டாசு சத்தமும், தலைக்குமேல் தூவிய மினுக்கங்கள் நிறைந்த வண்ணப்பூமழையிலும் நான் முழுமையாக நனைந்தேன்.

எனக்கு இனிப்பு பண்டங்கள் பிடிக்கும் என்பதை அறிந்து, முற்றிலும் இனிப்புகளால் தொடுக்கப்பட்ட இனிப்பு மாலைகளை அணிந்து அழகு பார்த்தார்கள்.

என் உயிரிலும் மேலான எனது ரசிகர்களுக்கு எனது நன்றிகள்.......

மீண்டும் மீண்டு வந்துவிட்டேன்..........

2010-01-04T01:53:00.000-08:00

மீண்டும் மீண்டு வந்துவிட்டேன்.இனி பதிவுகள் தொடரும்......

வித்தியாசமான பதிவுகளை எதிர்பாருங்கள். வானொலியில் எனது குரல் கேட்காத இத்தனை நாட்களும் அத்தனை அனுபவங்கள்.....

இலங்கை வீரர்கள் திட்டமிட்டு செய்திருப்பார்களோ..........

2009-12-18T21:47:00.001-08:00

இலங்கை இந்திய அணிகளுக்கிடையிலான இரண்டாவது ஒருநாள் சர்வதேச போட்டியில் இலங்கை அணிதான் வெல்லும் என்ற எண்ணம் என் உள்மனதில் ஓடியது.எனது நண்பர் சூரியனின் நிதி முகாமையாளர் ராஜ் அண்ணாவிடம் இலங்கை அணிதான் வெல்லுமென்று சொன்னேன். அவர் இந்திய அணிதான் வெல்லுமென்று சொன்னார்.[நான் என்ன சொன்னாலும் எனது கருத்திற்கு எதிரான கருத்தினை அவர் சொல்லவார் இப்படி ஒருவிதமான நடைமுறை எங்களுக்குள் இருந்தது] முதலாவது ஒருநாள் போட்டியில் இந்திய அணிதான் வெல்லுமென்று நான் சொன்னேன் இல்லை இல்லை இலங்கை அணிதான் வெல்லுமென்று அவர் சொன்னார். முடிவில் ஜெயித்தது நான்தான்.

இரண்டாவது ஒருநாள் போட்டி ஆரம்பிப்பதற்காக நாணயம் சுழற்றப்பட்டது. நாணயம் தோனியின் குரலுக்கு செவி சாய்த்தது. எனது தொலைபேசியில் திடிரென ராஜ் அண்ணாவின் பெயர் தென்பட்டது,அவரின் அழைப்பை ஏற்றுக்கொண்டேன், அவரது சிரிப்பொலி கேட்டது, நானும் சிரித்தேன்.

இந்திய அணி துடுப்பெடுத்தாட ஆரம்பித்து சில நிமிடங்களில் அதிரடி ஆட்டக்காரர் ஷெவாக் 4 ஓட்டங்களுடன் ஆட்டமிழந்ததும்,எனது தொலைபேசியை எடுத்தேன் அழைத்தேன் சிரித்தேன், அவரும் சிரித்தார். இன்னும் சில நிமிடங்களில் கம்பீரும் 2 ஓட்டங்களுடன் ஆட்டமிழந்தார்.நான் மீண்டும் அதே நடைமுறையினை செய்தேன். சச்சின் தோனி ரெய்னா இருப்பதாக சொன்னார். அவர் சொன்னதுபோல தோனி 107 ஓட்டங்கள்,சச்சின் 43 ஓட்டங்கள்,ரெய்னா 68 ஓட்டங்கள். இந்திய அணி 50 ஓவர்களில் 7 விக்கட்டுகளை மாத்திரம் இழந்து 301 ஓட்டங்களை எடுத்தது. எனக்கு அழைப்பு வந்தது. ஆஹா ஓஹோ என சிரித்தார். சமாதானத்திற்க்கு வருவோமா எனக்கேட்டார். [இந்த மைதானத்தில் இதற்க்குமுன் ஒரேயொரு சர்வதேச ஒருநாள் போட்டிதான் நடைபெற்றது.அதிலும் இந்திய அணி முதலில் துடுப்பெடுத்தாடி 300க்கும் அதிகமான ஓட்டங்களை பெற்று ஜெயித்தது] ஆனால் நான் எனது முடிவில் தீர்மானமாகவே இருந்தேன்.

பந்து வீச்சில் இலங்கை வீரர் ரந்திவ் 3 விக்கட்டுகளையும் வெலகெதர,மென்டிஸ்,மெத்திவுஸ் ஆகியோர் தலா ஒவ்வொரு விக்கட்டுகளையும் வீழ்த்தினார்கள். இலங்கை அணி துடுப்பாட களம் புகுந்து சிறப்பாக ஓட்டங்களை குவித்தது. அழைத்தேன் சிரித்தேன்.அவர் மௌனம் சாதித்தார். டில்ஷான் 123 ஓட்டங்கள் எடுத்தபோது திடிரென ஆட்டமிழந்தார். மீண்டும் அழைப்பும் வந்தது சிரிப்பொலியும் கேட்டது. சங்கக்கார 21 ஓட்டங்கள்,ஜெயவர்த்தன 39 ஓட்டங்கள்,கண்டம்பி 27 ஓட்டங்கள்,மெத்திவுஸ் 37 ஓட்டங்கள் எடுத்தனர்.

இறுதியில் 302 ஓட்டங்கள் எடுத்து இலங்கை அணி வென்றது. திட்டமிட்டு செய்திருப்பார்களோ? இந்திய அணியும் 7 விக்கட்டுகளை இழந்து 301 ஓட்டங்களை எடுத்தது. அதேபோல் இலங்கை அணியும் 7 விக்கட்டுகளை 302 ஓட்டங்களை எடுத்து ஜெயித்தது. பந்துவீச்சில் சாஹிர்கான் 3 விக்கட்டுகளையும், ஆஷிஷ் நெஹ்ரா, ஹர்பஜங் சிங் ஆகியோர் தலா ஒவ்வொரு விக்கட்டுகளையும் வீழ்த்தினார்கள். போட்டி முடிந்ததும் அழைத்தேன்,சிரித்தேன்! பதிலுக்கு அவர் சொல்லியதை சொல்கிறேன் வாசியுங்கள்>>> "வாழ்க்கை என்றால் அப்படித்தான் மேடுபள்ளம் இருக்கத்தானே செய்யும்" என்ன கொடுமையென்றால்,அவருக்கு இரண்டுமுறையும் பள்ளம்தான்.........எது எப்படி இருந்தாலும், தோல்விக்கான காரணம் என்னவென இந்திய அணயின் தலைவர் மகேந்திர சிங் தோனி தெரிவித்த கருத்து இதோ>>>இந்திய அணியின் தோல்விக்கு மோசமான பந்து வீச்சும், களத்தடுப்பும்தான் காரணம்.உதாரணமாக சாஹிர்கான்-ஒரே ஓவரில் 2 விக்கெட்டை கைப்பற்றி கொஞ்சம் நம்பிக்கை அளித்தார். ஆனால் 49-வது ஓவரில் களத்தடுப்பில் சொதப்பி நம்பிக்கையை தகர்த்து விட்டார். அவர் களத்தடுப்பில் கோட்டை விட்டதால் பவுண்டரி போனது. அதோடு எளிதான பிடியினையும் தவற விட்டார்.

இதுதவிர,நமது பந்து வீச்சாளர்கள் விக்கட்டுகளை கைப்பற்ற இயலாமல் திணறினார்கள். டில்ஷானின் ஆட்டத்தை கட்டுப்படுத்த தவறி விட்டனர். அவர் தொடர்ந்து 2-வது சதத்தை அடித்து அணியின் ஜெயிக்க முக்கிய பங்கு வகித்தார்.

சூரியனுக்கு இரண்டு விருதுகள்..........

2009-12-18T19:02:00.000-08:00

இலங்கை விளம்பரத்துறையின் தந்தை ரெஜி அவர்களின் நினைவாக ஒவ்வொரு வருடமும் வித்தியாசமான சிந்தனைக்கான விருதுகள் வழங்கப்பட்டு வருகின்றன.
இந்த வருடத்திற்கான விருது வழங்கும் நிகழ்வில் வித்தியாசமான சிந்தனைகளுடன் எல்லோரையும் காலை வேளையில் உற்சாகப்படுத்தி,சுவாரசியமான தலைப்புகளையும் தகவல்களையும் வழங்கி,திங்கள் முதல் வெள்ளிவரை வித்தியாசமான சிந்தனைகளின் உயிர்ப்பிடமாக திகழ்ந்தமைக்காக,தமிழில் ஒலிபரப்பாகும் காலைநேர நிகழ்ச்சிகளில் சிறந்த நிகழ்ச்சிக்கான விருது சூரியராகங்கள் நிகழ்ச்சிக்கு கிடைக்கப்பெற்றுள்ளது.

அதேவேளை ஒரு நிலையத்தினை அடையாளப்படுத்துவதட்கான நிலையக்குறியிசைக்கான விருது,"எத்தனை நாளாய் கேட்டுவிட்டேன்" நிலையக்குறியிசை 36 வானொலிகளுடன் போட்டியிட்டு சிறந்த நிலையக்குறியிசையாக தெரிவு செய்யப்பட்டுள்ளது.

இந்த கௌரவம் கிடைக்கப்பெற்றதிளிருந்து இன்றுவரை எமக்கு வாழ்த்துகளை தெரிவித்த அனைவருக்கும் நன்றிகள்.............

முடித்தால் இந்த புகைப்படத்தில் இருப்பது யாரென்று கண்டுபிடித்து பதிவு செய்யுங்கள்............

2009-12-17T08:37:00.001-08:00

உதவும் கரங்கள்...........

2009-12-17T01:21:00.000-08:00

கள்ளங்கபடமற்ற அந்த பிஞ்சுக்குழந்தைகளுக்கு உதவ உங்களுக்கும் ஒரு வாய்ப்பு. உங்கள் உதவிப்பொருட்களை ஒப்படைக்க வேண்டிய இடங்கள் பற்றிய விபரங்களை அறிந்துகொள்ள அழையுங்கள் 0114799775
 Colombo – SLECC

 Modara – Naavalar Mani Mandabam
Mr. Selvarathnam – 0777 228989

 Kathiresan Street – Vishvakarma Sangam
Mr. Sithambaram - 0112 423169

 Kotahena – Arul Study Circle
Mr. Chandrasekar – 0112 331495

 Hatton – No. 2, Park Road
Mr. Murali – 0777 518817

 Talawakelle – Sooriyan Fan Club
Mr. Murali – 072 4770915

 Dickoya – Sooriyan Fan Club
110, Batalgala Junction
Mr. Chandrakumar – 077 9090214

 Nuwara Eliya – Hindu Cultural Centre
Mr. Balakrishnan – 077 3179138

 Kandy – 103, Colombo Road
Mr. Vishva – 0777 357278

 Chilaw – 1st mile Post, Munneswaram,
Ms. Uma Shanthi – 077 2379635

ஷெவாக் மனிதனே இல்லை,டில்ஷான் ஒரு மிருகம்.....

2009-12-15T08:20:00.000-08:00

இலங்கை இந்திய அணிகளுக்கிடையிலான முதலாவது ஒருநாள் போட்டி விறுவிறுப்பின் எல்லை.....

முதலில் துடுப்பெடுத்தாடிய இந்திய அணி 7 விக்கட்டுகளை இழந்து 414 ஓட்டங்களை பெற்றதும் எல்லோரும் நினைத்தார்கள் இலங்கைக்கு படுதோல்விதான் மிஞ்சும் என்று,

ஷெவாக் ஒரு மனிதனே இல்லை,

என்னவொரு வேகம்,துணிச்சல்,அப்படியொரு துடுப்பாட்டத்தை இதற்க்குமுன் எந்தவொரு இந்திய வீரரிடமும் நான் கண்டதில்லை.102 பந்துகளுக்கு 146 ஓட்டங்கள்.....

அடித்தால் நெத்தியடி தட்டினால் நிலையான தீர்மானம்,எந்தவொரு நிலை தடுமாற்றமும் இல்லவே இல்லை.

பதிலுக்கு டில்ஷான்,
எப்படி பந்தினை வீசினாலும் அடிப்பேன் என்ற முடிவோடுதான் களமிறங்கியிருப்பாரோ என எண்ணத்தோன்றுகிறது,இந்த போட்டியில் அதிகமான ஓட்டங்களை பெற்ற வீரர் டில்ஷாந்தான், 124 பந்துகளுக்கு 160 ஓட்டங்கள்,குமார் சங்கக்காரவும் தனது பங்கினை சிறப்பாகவே செய்திருந்தார்,ஆனாலும் இலங்கை அணிக்கு மிஞ்சியது என்னவோ தோல்விதான் 3 ஓட்டங்களால் தோல்வி..... இலங்கை வீரர்கள் இறுதி பந்துவரை முயற்சித்தார்கள் ஆனால் பலனளிக்கவில்லை.......

தமிழ் வலைப்பதிவர்சந்திப்பு

2009-12-14T00:33:00.000-08:00

வலைப்பதிவர்களின் இரண்டாவது சந்திப்பு 13/12/2009 அன்று வெள்ளவத்தையில் நடைபெற்றது.

முதலாவது சந்திப்பு நடைபெற்றபோது நான் வலைப்பூ ஆரம்பித்திருக்கவில்லை,இந்த சந்திப்பின்போது முக்கியமான பலவிடயங்களை கலந்துரையாடக்கூடியதாக இருந்தது.

கலந்துரையாடல் முடிந்ததும் சில விளையாட்டுப்போட்டிகளும் நடத்தப்பட்டன.......

ஊடக மயக்கம் நானும் சொல்கிறேன் ...

2009-12-12T07:30:00.001-08:00

இலங்கையில் தமிழ் திரைப்படங்கள் ரசிகர்களை திருப்திப்படுத்துமளவுக்கு உருவாவதில்லை,அப்படி இருக்கும்போது இலங்கையில் வானொலி அறிவிப்பாளர்கள்தான் நட்சத்திரங்கள்,இவர்களின் மனம் நோகும்படியான ஒரு கட்டுரையினை இருக்கிறம் வெளியிடுமென கனவிலும் நினைக்காதவன் நான்,தேர்ச்சி பெற்றவர்கள் இருக்கும் "இருக்கிறம்"என்று மனதிற்குள் நெகிழ்ந்ததுண்டு.........

ஒலிபரப்பாளர்கள் பற்றிய தவறான கருத்துகளை பரப்ப நினைப்பது மிகப்பெரிய பிழை,இது ஆரோக்கியமான செயல் அல்ல.

ஊடகம் போட்டி நிறைந்த இடம் என்பதை எல்லோரும் அறிவார்கள்,இங்கு ஜெயிக்க வேண்டுமென்றால் உழைக்க வேண்டும்,இது தவிர தேடல்,நேரம்பார்க்காமல் வேலை செய்யும் பழக்கம்,நேர்மையாக நடந்துகொள்ளும் பண்பு,இவை இருந்தால்தான் சாதிக்கலாம், தவறினால் ஊடகங்களில் மட்டுமல்ல வேறு எந்த தொழிலாக இருந்தாலும் குறைந்த ஊதியம்தான் கிடைக்கும்.

வாய்ப்புகள் எல்லோருக்கும் கிடைக்காது என்பது உண்மைதான்,கிடைக்கும் வாய்ப்பினை சரியாக பயன்படுத்த தெரியாதவர்களின் புலம்பல் என்று எடுத்து ஆறுதல் சொல்லி அமர்வதே எமக்கு அழகென்று நினைக்கிறேன்..........நான் சொல்வது சரிதானே.....

கருணையூரான் said...

நீங்க சொல்வது சரிதான்...ஆனால் உங்கள் எதிர்க்கருத்தை அதே சஞ்சிகையில் வெளியிடலாமே.....அது ஒருவனின் கருத்து அதை போட்ட "இருக்கிறம்" சஞ்சிகையில் தப்பு இருக்கா எண்டு எனக்கு தெரியல...ஆனால் அவர்கள் விற்பனையைக் கூட்டவும் செய்திருக்கலாம்......

கருணையூரான்,

அவரது தனிப்பட்ட கருத்தினை வெளியிட பத்திரிகை ஒன்றினை பயன்படுத்தக்கூடாது என்பதே எனது கருத்து,வலைப்பதிவில் சுதந்திரமாக எதை வேண்டுமானாலும் பதிவிடலாம்,
ஆனால் பத்திரிகை ஊடகம் அப்படியில்லை,அவரது உள்ளக்குமுறலை வெளியிடும் "இருக்கிறம்"தவிர்க்கப்பட வேண்டியவற்றை தொகுத்து வெளியிட்டிருக்கலாம் என்பதே எனது கருத்து............

நீங்கள் சொல்வதுபோல எனது எதிர் கருத்தினை அதே சஞ்சிகையில்வெளியிடலாம்,
ஆனால் அவர்களோடு தொடர்புகொண்டு இதனை பிரசுரிக்க எனக்கு நேரம் இல்லை.
எனது வலைப்பூவில் நான் எழுதிய கருத்தினை அவர்கள் பிரசுரிப்பதாக இருந்தால் தாராளமாக பிரசுரிக்கலாம்......தடையில்லை.......

நேற்று ஷெவாக்கின் அதிரடி இன்று முரளியின் பதிலடி........

2009-12-04T01:00:00.000-08:00

நேற்று ஷெவாக்கின் அதிரடி இன்று முரளியின் பதிலடி........
டெஸ்ட் போட்டிகள் இல்லாமல் போய்விடும்,இனி டெஸ்ட் போட்டிகள் நடத்த தேவை இல்லை,டெஸ்ட் போட்டிகளை பார்க்க யாரும் மைதானங்களுக்கு செல்வதில்லை,டெஸ்ட் போட்டிகளின் ஓவர்களை குறைக்க வேண்டும்,

இவையெல்லாம் கடந்த காலங்களில் எல்லோரும் சொன்ன வார்த்தைகள்,

இவற்றை கேட்டு ஆத்திரமுற்று ஷெவாக் ஆடிய உருத்ரதாண்டவம் நன்றாகத்தான் இருந்தது,

ஷெவாக்கின் அதிரடியால் இலங்கையணியுடனான மூன்றாவதும் இறுதியுமான டெஸ்ட் போட்டியின் இரண்டாவது நாள் ஆட்டம் மன்னிக்கவும் T20 போட்டியின் இரண்டாவது நாள் ஆட்டம் களைகட்டியது.
Batting and fielding averages
Mat Inns NO Runs HS Ave BF SR 100 50
71 122 4 5955 319 50.46 7513 79.26 16 19
மூன்றாவது நாள் முரளியின் பதிலடி ஷெவாக்கை பதம் பார்த்தது,
300 ஓட்டங்களை பெற முடியாமல் கவலையுடன் வெளியேறினார் ஷெவாக்,மகிழ்ச்சியில் மகிழ்ந்தார் முரளி.........

வட்ட மேசை...

2009-12-02T00:00:00.000-08:00

இது உங்கள் கருத்துகளுக்கான இடம்

உங்கள் கருத்துகளையும் சிந்தனைகளையும் பதிவு செய்யுங்கள்............

உலகத்தை நான் வெறுக்கிறேன்,

2009-12-01T07:19:00.000-08:00

உலகத்தை நான் வெறுக்கிறேன்,

ஏன்தான் இப்படி இருக்கிறார்களோ தெரியவில்லை,
போதை உலகம் எனக்கு பிடிக்கவில்லை,
இவர்களை பார்த்தாலே கோபம் என் நிதானத்தை மீறுகிறது,
குடும்பத்தை மறந்து உறவுகளை மறந்து தன்னையும் மறந்து போதையில் மிதக்கும் இவர்களை பார்க்கவே பிடிக்கவில்லை,இவர்கள் திருந்துவார்களா?
எனது பதில்…….மாட்டார்கள் மாட்டார்கள்……
எதிர்காலம் இப்படி மாறிவிடுமோ என்று பயமாக இருக்கிறது.

திருடாதே பாப்பா திருடாதே......... விரைவில்........

2009-11-24T22:00:00.000-08:00

காலத்தை வெல்லும் நிலையக்குறி இசைகள்

2009-11-24T10:15:00.000-08:00

சினிமாப்பாடல்களுக்கு நிகரான குறு இசைகளை வழங்குவதில் சூரியனுக்கு நிகர் சூரியன்தான்.
சூரியன் வானொலி தனது ஒலிபரப்பினை ஆரம்பித்து பதினொரு வருடங்களை மிக சிறப்பாக கொண்டாடியது.

கொண்டாட்டத்தின் அடையாளமாக சூரிய சொந்தங்களுக்கு அறிமுகம் செய்த நிலையக்குறி இசைகளை எனது வலைப்பதிவான wwww.nava-neethan.blogspot.com ஊடாக புலம்பெயர்ந்து வாழும் சூரிய சொந்தங்களும் கேட்டு ரசிக்ககூடியவகையில் விரைவில் உங்களுக்கு வழங்கப்போகிறேன்.

தொடரும் நாட்களில் சூரியனின் எல்லா நிலையக்குறி இசைகளையும் வழங்கலாம் என நினைக்கிறேன்.
அனைத்தும் நம்நாட்டு படைப்புகளே............

பிச்சுமணி......

2009-11-23T09:51:00.000-08:00

வாரான்டா பிச்சுமணி வாரான்டா பிச்சுமணி......

வேட்டிய மடிச்சுக்கட்டி மீசையத்தான் முறுக்கிக்கிட்டு வாரான்டா பிச்சுமணி வாரான்டா பிச்சுமணி............

உங்கள் செவிகளுக்கு விருந்தளிக்க .....................
www.nava-neethan.blogspot.com ஊடாக
விரைவில்............................

காற்றலையில் ஏழு ஆண்டுகள்

2009-11-22T22:35:00.000-08:00

வானொலி ஒலிபரப்பு எனும் மிகப்பெரிய கடலுக்குள் நீச்சலடிக்க தொடங்கி 7 வருடங்கள் கடந்துவிட்டன,திருபிப்பார்கும்போது எவ்வளவோ நினைவுகள்..........
அவற்றைப்பற்றி சொல்லுவோமா? வேண்டாமா?

யோசிக்கிறேன்...............

பதிவு இடப்படும் திகதி 27:11:2009 பாகம்-01 நேரம் மாலை 05:50
சூரியனுக்கு அறிவிப்பாளர் தேர்வுக்காக வருமாறு அப்போதைய காரியதரிசி அருந்ததி அக்கா அழைத்து சொன்னார்.

அதற்குபிறகு நான் எத்தனையோ தொலைபேசிகள் பாவித்துவிட்டேன் இலக்கங்களையும் மாற்றிவிட்டேன்.மாற்றங்கள் எத்தனை வந்தாலும் அந்த அழைப்புதான் என் வாழ்க்கை பாதையை மாற்றியமைத்தது! அழைப்பு வரும்போது நான் எங்கே இருந்தேன் தெரியுமா?

அது ஒரு வித்தியாசமான அனுபவம். பிறகு சொல்கிறேன்................

பதிவுத்திகதி 28:11:2009 பாகம் 02 நேரம் மாலை 06:46
கிரிகட் விளையாடுவதில் எப்பவுமே எனக்கு விருப்பம்,ஓரளவு நன்றாக துடுப்பெடுத்தாடக்கூடியவன் என்று நான் விளையாடுவதை பார்த்தவர்கள் சொல்லக்கேட்டிருக்கிறேன்.
எனது நண்பர்களுடன் மைதானத்தில் விளையாடிக்கொண்டிருக்கும்போது திடீரென எனது தொலைபேசி அலற ஆரம்பித்தது நண்பனொருவன் ஓடோடி வந்து மச்சான் PHONE அடிக்குதுடா என்று தந்தான் அப்படியொரு இலக்கத்தில் இருந்து அதற்குமுன் எனக்கு உள்ளவரும் அழைப்பு வந்ததே இல்லை,அப்போது நான் துடுப்பெடுத்தாடிக்கொண்டிருந்ததால் வந்த அழைப்பை துண்டித்துவிட்டு விளையாட்டை தொடர்ந்தேன் மீண்டும் வந்தது மறுபடியும் துண்டித்தேன் மீண்டும் வந்தது எரிச்சலுடன் HELLO.... என்றேன் சூரியனிலிருந்து பேசுகிறோம் நீங்கள் நவநீதனா.. பதற்றத்துடன் ஆமாம் என்றேன், இன்று காலை 10 மணிக்கு உங்களுக்கு நேர்முகப்பரீட்சை வந்துடுங்கள் என்று மறுமுனையிலிருந்து கேட்டது, சரி கட்டாயமாக வருகிறேன் என்று சொன்னேன்,நல்லநேரம் விளையாடியபின் உடுத்த DRESS வைத்திருந்தேன்,வீட்டுக்கு போகாமல் சூரியனுக்கு போனேன்...மிச்சம் அடுத்த பதிப்பில்........

பதிவுத்திகதி 01:12:2009 பாகம் 03 நேரம் மாலை 03:15

கொழும்பில் இருந்தாலும் வெள்ளவத்தையை தவிர வேறு இடங்களுக்கு சென்றதில்லை,சூரியன் எங்கிருக்கிறது என்பதுகூட எனக்கு தெரியாது,உலக வர்த்தகமையம் இலங்கையிலேயே உயரமான கட்டிடம்,ஆனாலும் உலக வர்த்தக மையத்தைத்தேட நான்(எவ்வளவு முடியுமோ அவ்வளவு)அலையாத இடமே இல்லையென்றுதான் சொல்ல வேண்டும்.

ஒருபாடாக உலகவர்த்தகமையத்தை தேடியாயிற்று,அந்த உயரமான கட்டிடத்திற்கு அருகில் சென்றதும் என் முதுகுத்தண்டு தெரியுமளவுக்கு தலை சுற்றியது,இலங்கையில் பிறந்த ஒவ்வொருவரும் ஒருமுறையாவது அந்த கட்டிடத்தை அருகில் சென்று பார்க்க வேண்டும்,கட்டிடம் முழுவதும் கண்ணாடியினால் செய்யப்பட்டதுபோல் பளபளவென ஜொலிக்கும்,சூரியன் நேர்முகத்தேர்வுக்காக செல்லும் ஒவ்வொருவரும் அந்த கட்டிடத்திற்கு அருகில் செல்லும்போது கனவுலகத்திற்கே சென்றுவிடுவார்கள்,நானும் அதே கனவுகளுடன் அன்று காலை 10 மணிக்கு சூரியன் வானொலியின் அலுவலக வரவேற்பறைக்கு சென்றேன், அப்போது என்னை சந்திக்கவந்த முதல் நபர் பரணீதரன்(இப்போது இலங்கையில் இல்லை இங்கிலாந்தில் இருக்கிறார் ) அவர் வந்து என்னிடம் கேட்ட முதல் கேள்வி....................

பதிவுத்திகதி 06:12:2009 பாகம் 04 நேரம் இரவு 11:15

காற்றலையில் 7 ஆண்டுகள் எனும் தலைப்பில் ஊடகம் என்ற சவால் நிறைந்த பாதையில் எனது பயணத்தை மீண்டும் திரும்பி பார்த்துக்கொண்டிருக்கிறேன் இந்த தொடர் கட்டுரையில் சிலரது பெயர்களை மறைமுகமாக குறிப்பிடலாமென நினைக்கிறேன்.

ஆனாலும் தொடரும் காலத்தில் அவர்களது பெயர்களை கட்டாயம் குறிப்பிடுவேன்.......

பதிவுத்திகதி 10:12:2009 பாகம் 05 நேரம் மதியம் 01:15

வேறு என்ன புதிதாக கேட்டிருக்க முடியும் சூரியனுக்கா வந்திருகிறீர்கள் என்பதே அவர் கேட்ட கேள்வி,நான் எதற்காக வந்தேனோ அதை சொன்னேன்,இருங்கள் வருகிறேன் என்று போனவர் வெளியில் வரவே இல்லை.

நிறைய நேரத்திற்கு பிறகு என்னை அழைப்பதற்காக வெளியில் வந்தவர் நான் எதிர் பார்க்காத ஒருவர் அவரை நான் X என்றே குறிப்பிடப்போகிறேன்....

என்னை அழைத்து சென்ற X உங்கள் குரல் வானொலிக்கு ஏற்றதாக இருக்கிறதா என்பதனை ஒருமுறை பதிவு செய்து பார்க்கவேண்டும் என கூறினார்.

உள்ளே அழைத்து சென்ற X இதுதான் Studio 8 என கூறினார்,அறிவிப்பாளர் தேர்வுக்காக வருபவர்களின் குரல் பதிவு இங்கேதான் மேற்கொள்ளபடும்,குளிர் அதிகமாக இருக்கும் [பழக்கம் இல்லாததால் தான் அப்படி]கைகால் எல்லாம் உதறும்(வாயும்கூட)பிறகு எப்படி வாசிக்க முடியும்,எல்லோருக்கும் அப்படிதான் இருக்கும்,ஆனால் X அதிகமான குளிர் உணராததுபோல் இருந்தார்,அவருக்கு பழகி விட்டது.

என்னிடம் சொன்னார் பயப்படாமல் வாசியுங்கள் என்று,அப்படி சொல்லும்போதுதான் இன்னும் உதறியது,ஆனால் எனக்குள் ஒரு வேகம் இருந்தது,அறிவிப்பாளர் தேர்வுக்கு செல்லும் எல்லோரிடமும் கட்டாயமாக இருக்க வேண்டியது,எனது அனுபவத்தில் சொல்கிறேன் அநேகமானவர்களிடம் அந்த வேகம் இருப்பதில்லை.
குரல் பதிவு செய்துகொண்டே Xன் முகத்தை பார்த்தேன்,அவரின் முகத்தில் எனது வாசிப்பின் மீது விருப்பம் ஏற்பட்டது தெரிந்தது,நடுக்கம் பயம் எதனையும் குரலில் வெளிப்படுத்தகூடாது என்பதில் கவனமாக இருந்தேன்...

குரல் பதிவும் முடிந்துவிட்டது .....
நான்,
தெரிவுசெய்யப்பட்டேனா? இல்லையா?
தெரிந்துகொள்ள காத்திருக்கவே இல்லை............

பதிவுத்திகதி 13:12:2009 பாகம் 06 நேரம் இரவு 11:17

காத்திருக்க வேண்டிய நிலை எனக்கு ஏற்படவில்லை,காரணம் என்னவென்றால் குரல் பரிசோதனை முடிந்து சில மணி நேரங்களிலேயே மறுபடியும் சூரியன் அலுவலகத்திலிருந்து தொலைபேசி அழைப்பு வந்தது,சூரியன் அலுவலகத்திலிருந்து என்னுடன் பேசிய அருந்ததி அக்கா என்னை நாளைமுதல் பயிற்சி அறிவிப்பாளராக வருமாறு கூறினார்,மிகவும் மகிழ்ச்சியாக இருந்தது.
எனது கனவுலகம் நனவுலகமாக மாறியது,மகிழ்ச்சிக்கு எல்லை இல்லை,ஒரு விடயத்தினை நான் சொல்லியாகவேண்டும்,அறிவிப்பாளர் தேர்வுக்கு செல்லும்போது யாருக்கும் சொல்லக்கூடாது,தேர்வில் தெரிவுசெய்யப்பட்டால்சரி,தெரிவு செய்யப்படவில்லை என்றால் என்ன செய்வது,என்ன நடந்தது என்பதை தெரிந்துகொள்வதட்காக வரிந்துகட்டிக்கொண்டு வரிசையில் நிற்பவர்களுக்கு என்ன பதில் சொல்வது,அதனால் தயவு செய்து யாரிடமும் சொல்லாமல் தேர்வுக்கு செல்லுங்கள்.
அறிவுரை போதும் என்று நினைகிறேன்,எனது புராணத்தை தொடர்கிறேன்..........
சூரியன் அலுவலகத்திற்க்கு சென்றேன்,அங்கு எனக்குமுன் 9 பேர் இருந்தார்கள்,பத்தாவதாக நான்,மொத்தம் பத்து பயிற்சி அறிவிப்பாளர்கள்
பத்துபேருக்கும் ஒருவர் பொறுப்பாளராக நியமிக்கப்பட்டார்,அவரை நான் Y என குறிப்பிடுகிறேன்.
எப்படி பயிற்சிகள் ஆரம்பிக்கப்பட்டன என்பதுபற்றி அடுத்த பதிவில் குறிப்பிடுகிறேன்........

பதிவுத்திகதி 16:12:2009 பாகம் 07 நேரம் மாலை 05:123

நான் பொதுவாக எல்லோருடனும் உண்மையாக பழகக்கூடியவன்.ஆனாலும் புதிய இடம் என்பதால் அவ்வளவு இலகுவில் யாருடனும் பழக முடியவில்லை.

10 பயிற்சி அறிவிப்பாளர்களுக்கும் பொறுப்பாக ஒருவர் நியமிக்கப்பட்டார் என்று சொன்னேனே,அவர் எங்களுடன் கொஞ்சம் கடுமையாகவே நடந்துகொண்டார்.அவரது இயல்பு அதுவல்ல.இருந்தாலும்,எங்களுடன் பழகும்போது கடுமையான மனிதராகவே தன்னை அடையாளப்படுத்திக்கொண்டார்.ஏன் என்று எங்களுக்கு புரியவில்லை!

எல்லோருக்கும் இடையில் ஒருவிதமான போட்டி இருந்தது.10 பேர் என்றால் சும்மாவா? யார் முந்திக்கொண்டு தனது ஆற்றலை வெளிப்படுத்துவது என்பதே எங்களுக்கிடையிலான மிகப்பெரிய போட்டி.ஓரிரு நாட்களிலேயே இசைத்தட்டு களஞ்சியத்திற்குச்சென்று, இசைத்தட்டுகள் எல்லாவற்றையும் புரட்ட ஆரம்பித்தேன்.நான் மட்டுமல்ல,எல்லோரும் அப்படித்தான்.கலையகத்தில் இருக்கும் மின்னியல் இசை விசைப்பலகையினை விரைவில் பழக எல்லோரும் முயற்சிப்போம்.மின்னியல் இசை விசைப்பலகையினை இயக்க தெரிந்தால்தான் நிகழ்ச்சி செய்ய அனுமதிப்பார்கள்,முந்திக்கொள்ளவேண்டுமே.......இந்த மிகப்பெரிய போட்டிக்கு நடுவில் எனக்கென்றால் பொறாமை துளி அளவும் இருந்ததில்லை........தொடரும்.......

பதிவுத்திகதி 20:12:2009 பாகம் 08 நேரம் மாலை 05:05

எனக்கு இசையமைக்க தெரியாது.பாடவும் முடியாது. ஆனாலும் ஒரு பாடலில் என்னென்னெல்லாம் இருந்தால் ரசிக்கக்கூடியதாக இருக்கும் என்பதை அறிந்தவனாக இருந்தேன். இந்த தகுதியினை வைத்துக்கொண்டு இசைக்கலவை செய்வதை கற்றுத்தேற வேண்டுமென முடிவெடுத்தேன். அதேவேளை ஒவ்வொரு நுணுக்கங்களையும் தெரிந்துகொள்ளவேண்டும் என்றும் முடிவெடுத்தேன். அப்படியென்றால் இசைக்கலவை பற்றி நூற்றுக்கு நூறுவீதம் தெரிந்தவர் ஒருவரிடம்தானே கற்க வேண்டும். அதற்க்காக எனது ஆசியராக நான் தெரிவு செய்தது தமிழ் தெரியாத ஒருவர். இசைக்கலவை தயாரிப்பு பற்றி அனைத்தும் தெரிந்த என்னை பிரமிக்க வைத்த ஒருவராகவே எப்போதும் அவர் காணப்பட்டார்.

இவ்வாறு,இந்த நுணுக்கங்களை தெரிந்துகொண்டால்,நிகழ்ச்சிகளுக்கான விளம்பரங்கள்,வானொலிக்கான விளம்பரங்கள், நாடகங்களுக்கான பின்னணி இசை போன்ற செயற்பாடுகளை அரங்கேற்றலாம். அதுவும் சரியாக தெரிந்துகொண்டால் வித்தியாசங்களை விதைக்கலாமல்லவா!

இதுதான் அப்போது பயன்படுத்தப்பட்ட இலத்திரனியல் பொறி....அப்போது கடமையாற்றிய அறிவிப்பாளர்களில் அநேகமானவர்களுக்கு இந்த பொறியினை இயக்க தெரியும். ஆனாலும் நூற்றுக்கு நூறுவீதம் தெரியாது.

இன்னுமொரு முக்கியமான விடயம் நான் குறிப்பிடும் காலம்வரை சூரியனைத்தவிர வேறு எந்த தமிழ் வானொலியும் இவ்வாறு இலத்திரனியல் பொறி பயன்படுத்தி தயாரிப்புகளை செய்திருக்கவில்லை

எனது குருநாதராக நான் தெரிவுசெய்தவர், சூரியனின் சகோதர வானொலியான SUN வானொலியில் அறிவிப்பாளராகவும், இசை மீள் கலவையாலராகாவும்,பின்னணி இசை தயாரிப்பாளராகவும் செயற்பட்டார். அதிகம் தனிமையை விரும்பும் ஒருவர். கர்வமும் அதிகமாகவே இருந்தது.சந்தேகங்களை கேட்டாலும் அவ்வளவு எளிதில் தீர்த்துவைக்கமாட்டார்.

ஏன் தெரியுமா?

எங்கே சாய்ஷரன்?

2009-11-22T09:46:00.000-08:00

சாய்ஷரனும் சூரியன் கலையகத்தில்
எங்களுடன் நிகழ்ச்சி நடத்தியதாக சொல்லி இருக்கிறேனே ........எங்கே சாய்ஷரன்? தெரிந்தால் பதிவு செய்யுங்கள்..........

DD ஒரு கலக்கல் நாயகி

2009-11-22T08:57:00.000-08:00

தென்னிந்திய தொலைக்காட்சி தொகுப்பாளினி DD என்று அழைக்கப்படும் திவ்யதர்ஷினி ஒரு கலக்கல் நாயகி,15:11:2009 அன்று காலை பத்து மணியில் இருந்து ஒரு மணி நேரம் நேரடி நிகழ்ச்சி ஒன்றினை சூரியன் வானொலியில் நடத்தினோம்.
.

DD மிகவும் இயல்பாகவே என்னுடன் இணைந்து நிகழ்ச்சினை நடத்தினார்.DD மட்டுமல்ல கிருஷ்ணமூர்த்தி,விக்னேஷ்,சாய்சரண்,மனோஜ்குமார் என ஒரே கலக்கல் ...........

நான் [நவநீதன்] பிறந்த முதல் நாள் என்ன நடந்தது?

2009-11-18T22:55:00.000-08:00

முதல் நாள் எனும் தலைப்பில் எனது முதல் வலைப்பதிவினை ஆரம்பித்தேன்

நான் [நவநீதன்] பிறந்த முதல் நாள் என்ன நடந்தது?
உங்கள் பதில்களை பதிவு செய்யுங்கள்.
………………………………………..
…………………………………………
…………………………………………..
…………………………………….
…………………………….
………………………………….
…………………………………………
எனது கேள்விக்கான பதில்களை பதிவு செய்யுங்கள்.

Lojana said...

anna world valamai poola suttri irukkum.

நன்றி உங்கள் பதிலுக்கு

பூமி சூரியனிலிருந்து மூன்றாவதாக உள்ள கிரகம்,விட்டம் நிறை மற்றும் அடர்த்திகொண்டு ஒப்பிடுகையில் சூரிய கிரகத்தில் உள்ள மிகப்பெரிய உட்கிரகங்களில் ஒன்று,இதனை உலகம் மற்றும் நீலக்கிரகம் என்று சொல்வார்கள் 4.54 பில்லியன் ஆண்டுகளுக்கு முன் தோன்றிய புவியில் மட்டுமே உயிர்கள் வாழ்வதாக நாம் அறிவோம். தற்போதுள்ள உயிர்களுக்கு ஏதுவான சூழல் 1.5 பில்லியன் ஆண்டுகளுக்கு நிலவும் எனவும் அதற்குபிறகு வளரும் சூரியனின் வெப்ப ஒளிர்வு தன்மைகளால் புவியின் உயிர்க்கோளம் அழிக்கப்படும் என்று எதிர்வு கூறப்படுகிறது.

புவியின் மேற்பரப்பு பல இருக்கமான டெக்டோனிக் பலகைகளாக அமைந்துள்ளது,அவை பல மில்லியன் வருடங்களாக சிறிது சிறிதாக நகர்ந்து வருகின்றன,திரவ நீராலும் கண்டங்கள் தீப கற்கள் புவியின் மேற்பரப்பு 71% உப்பு நீருள்ள பெருங்கடல்களாலும் அமைந்துள்ளது.

சரி இனி நீங்கள் சொன்ன விடயத்திற்கு வருவோம்,"உலகம் சுற்றியிருக்கும்" இது நீங்கள் சொன்ன பதில்,ஆம் உலகம் சுற்றியிருக்கும்.

தற்போது புவி தனது அச்சில் சுழல்வதோடு தோராயமாக சூரியனையும் சுற்றி வருகிறது, இதற்கான மொத்த கால அளவு 366.26 சூரிய நாட்களுக்கு சமம்,புவியின் அச்சு சுழற்சி அதன் கோளப்பாதையிலிருந்து செங்குத்தாக விலகி சாய்ந்து இருப்பதால் கோளின் மேற்பரப்பில் கால மாறுபாடுகளை ஒரு உஷ்ண ஆண்டுக்கு(365.24 சூரிய நாட்கள்)தோற்றுவிக்கிறது.

புவியின் ஒரே நாமறிந்த இயற்கையான செயற்கை கோள் சந்திரன்தான்,4.53 பில்லியன் வருடங்களுக்கு முன்பிருந்தே சந்திரனை பூமி சுற்ற ஆரம்பித்தது,இது கடலில் அலைகளை உருவாக்குவதோடு,அச்சு சாய்வை நிலை படுத்தி அதன் சுழற்ச்சியையும் சிறிது சிறிதாக குறைக்கிறது

prisca said...

"Nana Ozaki" enum Japanese Model oruvarum pirandhirukkirar.

நன்றி Prisca உங்கள் பதிலுக்கு,

இதுபோன்ற வித்தியாசமான பதிவுகளையும் நான் எதிர்பார்க்கிறேன், ஆம் நான் பிறந்த அதே திகதியில் ஜப்பான் ஒசாகாவில் Naana Ozaki பிறந்தார்.

ஜப்பானில் உள்ள எல்லா விளம்பர நிறுவனங்களும் Naana Ozaki மூலமாக தமது பொருட்களை விளம்பரப்படுத்தவே அதிக ஆர்வம் காட்டுகிறார்கள்,அந்தளவு பிரபலமானவர். இவரது உயரம் 5அடி 4.2அங்குலம் அதாவது 163cm உயரம்.

முதல் நாள்

2009-11-18T02:45:00.000-08:00

18:11:2009 புதன்கிழமை ஆரம்பிதிருக்கிறேன்.